Policia e Dimalit ka arrestuar një 38-vjeçar, pasi vodhi karta identiteti në një banesë në fshatin Pashalli, dhe tërhoqi para me to.
Mësohet se shtetasi A. M., 38 vjeç, banues në Kuçovë u kap dhe u vu në pranga, pak orë pas vjedhjeve.
Me kartat e vjedhura në banesë, 38-vjeçari tërhoqi në bankë, një shumë parash.
“Vodhi kartë krediti dhe karta identiteti, dje, në një banesë në fshatin Pashalli, dhe tërhoqi para me to, identifikohet dhe kapet, pak orë pas vjedhjes, 38-vjeçari.
Në të njëjtën ditë dhe në të njëjtin fshat, ai vodhi dhe një shumë parash në një lokal.
38-vjeçari, i dënuar më parë, për vjedhje.
Policia gjeti në banesën e tij, sendet e vjedhura.
Si rezultat i administrimit të menjëhershëm të 2 kallëzimeve, për vjedhjen e një shume parash, në një lokal në fshatin Pashalli, dhe për vjedhjen e 1 karte krediti, 2 kartave të identitetit, veglave të punës dhe veshjeve, në një banesë në këtë fshat, shërbimet e Stacionit të Policisë Dimal finalizuan operacionin të koduar “One day”.
Gjatë operacionit, u identifikua, u kap dhe u vu në pranga, pak orë pas vjedhjeve, autori i rasteve, shtetasi A. M., 38 vjeç, banues në Kuçovë.
Me kartat e vjedhura në banesë, 38-vjeçari tërhoqi në bankë, një shumë parash”, njofton policia.
Vijojnë hetimet për zbardhjen e vjedhjeve të tjera që mund të ketë kryer ky shtetas./Opinion.al
