Dy vëllezër janë arrestuar si të dyshuar për vjedhjen e 55,000 euro dhe aksesorë floriri në një banesë në Krujë, Shqipëri.
Policia e Shtetit ka njoftuar se janë sekuestruar aksesorët floriri të dyshuar të vjedhur, dhe një automjet.
S. D., 30 vjeç, dhe S. D., 21 vjeç, (vëllezër), banues në Vlorë, u arrestuan për veprën penale “Vjedhja” kryer në bashkëpunim.
“Specialistët për Hetim e Krimeve të Komisariatit të Policisë Krujë në bashkëpunim me me Seksionin e Forcës së Posaçme për Operacionet Speciale në DVP Tiranë dhe DVP Vlorë, në vijim të punës për goditjen e veprimtarive kriminale në fushën e vjedhjes së pronës dhe pasurisë, dhe për vënien përpara përgjegjësisë penale, të shtetasve që i kryejnë ato, kanë organizuar dhe finalizuar operacionin policor të koduar “Survejimi”.
Si rezultat i tij u arrestuan shtetasit S. D., 30 vjeç, dhe S. D., 21 vjeç, (vëllezër), banues në Vlorë, për veprën penale “Vjedhja” kryer në bashkëpunim, parashikuar nga neni 134 i Kodit Penal.
Dy vëllezërit dyshohet se me datë 21.07.2024, në bashkëpunim me njëri-tjetrin, kanë vjedhur në një banesë në Fushë-Krujë, shumën 55 000 euro, dhe aksesorë të ndryshëm floriri”, njofton policia.
Materialet i kaluan Prokurorisë.
