Policia e Shtetit ka zbuluar në Vlorë një banesë të përshtatur për kultivimin e bimëve narkotike.
Sipas informacioneve në ambientet e kësaj banese janë gjetur dhe sekuestruar, 411 pajisje të ndryshme elektrike që përdoren për kultivimin e bimëve narkotike në ambjente të mbyllura dhe 10 bidona me substanca kimike për bimët.
Gjithashtu, janë sekuestruar doza kanabisi, municion luftarak dhe një kallëp lënde plasëse (tritol) me kapsollë detonatore të vendosur dhe fitil zjarrpërcjellës të montuar.
Si rezultat i operacionit në pranga ka rënë shtetasi Albjon Lika që kishte në përdorim këtë banesë dhe e kishte përshtatur atë për kultivim të bimëve narkotike. Vijon puna për kapjen e pronarit të banesës shtetasit Marjus Barjami.
Mësohet se është proceduar në gjendje të lirë një shtetas tjetër, pasi iu gjet një sasi lënde e dyshuar narkotike, që dyshohet se ia kishte blerë 37-vjeçarit të arrestuar.
