Të shtëna me armë zjarri janë regjistruar mbrëmjen e sotme, në Orikum të Vlorës.
Mësohet se një 29-vjeçar ka mbetur i plagosur dhe është transportuar me urgjencë për në spital.
Policia informon se konflikti ka ndodhur për motive të dobëta dhe se po vijon puna për kapjen e autorit.
“Sot, rreth orës 18:40, në ambientet e një karburanti (bar), në Orikum, dyshohet se gjatë një konflikti, për motive të dobëta, shtetasi Q. B. ka plagosur me armë zjarri shtetasin S. V., 29 vjeç, i cili ndodhet në spital, nën kujdesin e mjekëve.
Shërbimet e Policisë kanë shkuar menjëherë në vendngjarje, kanë rrethuar zonën dhe vijojnë krehjen e saj për kapjen e autorit të dyshuar”,-thuhet në njoftimin e policisë”,-njofton policia.
Grupi hetimor, nën drejtimin e Prokurorisë, po punon për zbardhjen dhe dokumentimin e plotë të ngjarjes.
