Prokuroria për Krime të Rënda kërkoi mëngjesin e së mërkurës sekuestrimin e tij, pasi dyshohet se është ndërtuar nga para të dyshimta që burojnë nga aktivitete kriminale të të birit.
Isuf Kokaj (Brahimaj) mbeti i vrarë pas një atentati me minë të telekomanduar në 28 gushtit 2014.
Konfliktet për trafikun e drogës ishte një nga pistat e hetimit për zbulimin e atentatorëve, pasi ai ishte dënuar nga autoritetet italiane dhe hollandeze për trafik ndërkombëtar lëndësh narkotike.
Prokurorët zbuluan se babai i tij kishte legalizuar në emër të tij godinën në ndërtim, por të ardhurat e tij nuk justifikonin shpenzimet në 100 milionë lekë të reja për ndërtimin e hotelit.
Në këtë vlerë nuk është llogaritur vlera e truallit, e cila sipas dokumentacionit të blerjes është shënuar 120 mijë euro, por që dyshohet se është rreth 700 mijë euro.
Prokuroria e Vlorës kërkoi vendosjen e sekuestros preventive për objektin dhe truallin, e cila u pranua nga ana e Gjykatës së Vlorës. Më pas, çështja iu kalua për kompetencë Prokurorisë për Krime të Rënda, e cila është përgjegjëse për zbatimin e ligjit të njohur si “Antimafia”.
