Kryeministri Edi Rama ishte sot i pranishëm në inaugurimin e nënstacionit elektrik të Babicës në Vlorë, i cili do të furnizojë me energji të gjithë unazën e jugut të vendit, duke dhënë një shërbim më të mirë të rrjetit energjitik për zonat turistike joniane.
Kryeministri Rama në fjalën e tij vlerësoi, “realizimin e një vepre të tillë me rëndësi strategjikë falë bashkëpunimit të ngushtë me Bankën Gjemane për Bashkëpunim KFW dhe falë punës së shkëlqyer të gjihë ekipit shqiptar nën drejtimin e ministrit të Energjisë dhe të drejtorit të OST-së”.
“Kjo veprë kaq e rëndësishme i dedikohet shqiptarëve që qysh në fillim e mbështetën fuqimisht reformën kurajoze në enrgji dhe u bënë palë me zhvillimin, palë me një përpjekje të përbashkët për të vendosur rregull ligjor në sektor. Pa kontributin e të gjithë atyre, të cilët iu shtuan dhe këtu mund të përmend një shifër 320 mijë marrëveshje të bëra mes palëve për të hyrë në sistemin e pagesës së energjisë, ne nuk do mund të ishim sot këtu”, tha kryeministri Rama.
“Kemi ecur me shpejtësi të madhe për të vënë rregull, jo vetëm për vendosjen e rregullit ligjor në sistem ligjor, por edhe per investime, në një sektor që ishte peng i keqadministrimit që rrezikonte të ishte një gropë e madhe që mund të na çonte në një kolaps, jo vetëm energjitik, por edhe financiat”, tha Rama.
