Efektivët e FNSH-së së Shkodrës kanë shkuar sot në mbrëmje në banesën e efektivit të vrarë në krye të detyrës, Ardian Kodra.
Efektivi me karrierë të gjatë në forcat speciale u vra ditën e sotme gjatë aksionit për kapjen e një të sëmuri mendor të armatosur në Torovicë të Lezhës, raporton panorama.
Pas aksionit dhe kapjes së keqbërësit, kolegët e të ndjerit Kodra kanë shkuar në banesën e tij për t’i qëndruar pranë familjes së efektivit.
Ndërkohë, ka mbërritur po atje edhe trupi i pajetë i efektivit të vrarë, Ardian Kodra. Gazetari Senad Nikshiqi sjell pamjet e mbërritjes së trupit të 50-vjeçarit.
