Vjen për herë të parë në Tiranë pas marrjes së detyrës, Rama pret Talat Xhaferin

Kryeministri Edi Rama ka mirëpritur, Talat Xhaferin, kryeministrin e parë shqiptar të Maqedonisë së Veriut, në kuadër të samitit BE-Ballkani Perëndimor që po mbahet në Tiranë.
Kjo është vizita e parë e Xhaferit në Tiranë që prej marrjes së detyrës, në kuadër të një samiti rajonal.
Sot Tirana pret samitin e vendeve të Ballkanit Perëndimor dhe zyrtarëve të lartë të BE-së, me fokus integrimin e rajonit në Bashkimin Europian dhe zbatimin e planit të rritjes ekonomike.
Plani i zgjerimit të Ballkanit Perëndimor bazohet në 4 shtylla kryesore. Rritja e integrimit ekonomik me tregun unik të Bashkimit Evropian. Rritja e integrimit ekonomik brenda Ballkanit Perëndimor përmes tregut të përbashkët rajonal. Përshpejtimi i reformave themelore. Rritja e ndihmës financiare. BE-ja do të hapë zona të caktuara të tregut të përbashkët të BE-së për partnerët e Ballkanit Perëndimor përpara anëtarësimit, duke sjellë përfitime të prekshme për qytetarët e tij.