Një 27-vjeçar është arrestuar nga Policia e Elbasanit pasi dyshohet si autor i disa vjedhjeve përfshirë dhe në spitalin e këtij qyteti.
Mësohet se në pranga është vënë shtetasi me iniciale M. V.
Konkretisht 27-vjeçari dyshohet të jetë autor edhe i 5 vjedhje të tjera të ndodhura në qytetin e Elbasanit.
“Nga veprimet hetimore, rezultoi se ky shtetas është autor edhe i një sërë vjedhjesh të tjera, konkretisht:
-Më datë 23.03.2022, në rrugën “Rinia”, i ka vjedhur çantën e dorës, një shtetaseje;
-Më datë 21.05.2022, ka vjedhur 2000 euro, në banesën e një shtetasi;
-Më datë 08.08.2022, në lagjen “Luigj Gurakuqi”, gjatë natës, ka vjedhur me thyerje, në banesën e një shtetaseje, ku ka marrë sende me vlerë 100 000 lekë të rinj;
-Më datë 14.09.2022, në lagjen “Vullnetari”, ka thyer xhamin e një automjeti dhe ka marrë në brendësi të tij, 10 000 lekë të rinj”, njofton policia.
