Një vjedhje me përmasa të mëdha ka ndodhur në Memaliaj. Ngjarja ka ndodhur në datën 1 Maj, por policia e ka bërë publike ditën e sotme. Mësohet se disa persona kanë hyrë në banesën e një 40-vjeçari me iniciale A.K. , ku “kanë marrë një shumë të konsiderueshme parash”.
Autorët e vjedhjes kanë arritur të hyjnë në banesë përmes derës kryesore.
Ndërkaq, policia lokale bën me dije se është vjedhur banesa e Anesti.K., gjatë orëve të mbrëmjes, konkretisht rreth orës 22.00
Të njëjtat burime shtojnë se sasia e vjedhur e parave që është 55 milionë lekë të vjetra dhe 35 mijë euro, e përkthyer në lekë: rreth 100 milionë në total.
Aktualisht, asnjë person nuk është arrestuar lidhur me rastin.
