PRISHTINE- Kryetari i Kuvendit të Shqipërisë, Ilir Meta ka zhvilluar një takim me liderin e AAK-së, Ramush Haradinaj. Siç raportojnë mediat në Kosovë takimi u zhvilluar rreth orës 09:00 por ende nuk dihet se çfarë është biseduar. Meta ka pasur takim mbrëmë në orët e vona edhe me homologun e tij kosovar, Kadri Veseli.
Lajmi u referohet mediave në Kosovë, pasi deri tani nuk ka asnjë njoftim zyrtar nga Parlamenti i Shqipërisë dhe as i Kosovës për vizitën e Kryetarit të Kuvendit Ilir Meta në Prishtinë dhe qëllimin e kësaj vizite.
Vizita vjen në një kohë kur tensioni politik në Kosovë është i madh dhe mazhoranca e opozita nuk po gjejnë dialog prej muajsh.
