Disa shpërthime të fuqishme dhe krisma të armëve të zjarrit janë dëgjuar në qendër të Kabulit pak pasi Sekretari Amerikan i Shtetit John Kerry u largua nga kryeqyteti afgan, thonë dëshmitarët.
Lajmi konfirmohet për agjencinë e lajmeve “RT”, dhe thuhet se shpërthimet besohet të jenë rezultat i një sulmi me raketa.
Sekretari amerikan i Shtetit, John Kerry, ka bërë të shtunën një udhëtim të paparalajmëruar në Afganistan.
Vizita e tij vjen në kohën e konflikteve politike brenda Qeverisë afgane të unitetit, që udhëheq presidenti Ashraf Ghani dhe shefi ekzekutiv, Abdullah Abdullah.
Zëdhënësi i Departamentit amerikan të Shtetit, John Kirby, ka thënë se Kerry do të theksojë mbështetjen e SHBA-së për qeverinë dhe forcat e saj të sigurisë, të cilat luftojnë kundër talibanëve./RT
