Një ditë pas dorëzimit të mandatit të deputetit dhe protestës së opozitës, kryedemokrati Lulzim Basha ka zhvilluar një takim me përfaqësues të Partisë Popullore Europiane në Asamblenë Parlamentare të OSBE-së. Takimi është njoftuar nga vetë PPE përmes një postimi në Twitter ku edhe ka shpërndarë foto të bisedës me kryedemokratin Basha.
“Kishim një ftuar special, Lulzim Bashën, i cili na raportoi për situatën shqetësuese në Shqipëri, protestat kundër qeverisë socialiste, korrupsioni, trafikimit të drogës dhe zhvillimeve jodemokratike” – thuhet në postimin bashkëngjitur fotove.
Megjithatë mësohet se vizita e zotit Basha në Vjenë ka zgjatur vetëm disa orë. Kryedemokrati do të mbledhë këtë të premte në orën 18.00, kryesinë e PD-së. Ajo që pritet të diskutohet janë hapat që do të ndërmarrë forca më e madhe e opozitës për vazhdimin e protestës. /G.F Opinion.al
