Një person i armatosur me maskë rend drejt një viktime gjatë sulmit terrorist në zyrat e revistës satirike franceze,
Charlie Hebdo. Nga 7 deri 9 janar 2015, 17 vetë gjetën vdekjen në sulmet në Charlie Hebdo, një supermarket si dhe në lagjen periferike pariziene të Montrouge. Tre të dyshuar u vranë nga policia. Al Kaeda në Gadishullin Arabik mori përsipër përgjegjësinë.
Sytë e botuesit të Charlie Hebdo, Stephane Charbonnier shfaqen në një pankartë gjigande gjatë një tubimi kundër terrorit në Paris. Më shumë se një milionë persona morën pjesë në demonstratë, në një gjest uniteti, vetëm pak ditë pasi Charbonnier dhe 16 të tjerë u vranë prej terroristëve.
Armën te koka
Një oficer afgan ruan me armë një person të akuzuar se kishte planifikuar të shpërthente një bombë në Xhalalabad, Afganistan.
Aksidenti “live
Në këtë fotografi të shkëputur nga filmimi, avioni i Transasia prek me krah një urë në Taipei të Taivanit, pak pasi ngjitet nga aeroporti. Më pas avioni u rrëzua në lumin Keelung. Nga 58 personat në bord, vetëm 15 mbijetuan.
Vullkani
Disa njerëz shohin se si vullkani në Malin Sinaburg lëshon në ajër tym dhe hi, pas shpërthimit në Karo të Indonezisë.
Lufta vazhdon
Një rebel prorus në Debaltseve, Ukrainë një ditë pas një beteje me trupat ukrainase. Luftimet mes dy palëve kanë shkaktuar 6000 të vdekur që nga viti 2014, sipas OKB.
Dita e Atdheut
Presidenti rus, Vladimir Putin shihet përmes një flamuri të kuq, teksa merr pjesë në një ceremoni në Moskë, me rastin e Ditës së Mbrojtjes së Atdheut.
Pas tragjedisë
Një minator qymyri ukrainas, pret autobusin në Zasyadko, ku ndihmoi për gjetjen e trupave të kolegëve të tij në Donetsk, Ukrainë. 33 punëtorë gjetën vdekjen pas një shpërthiminë minierë.
Aylan Kurdi: Fotografia që copëtoi zemrat e gjithë botës
Një polic turk mban trupin e Aylan Kurdit, djaloshi që u mbyt në një përpjekje për të lundruar drejt ishullit grek të Kosit. Vdekja e tij pushtoi titujt e gazetave të të gjithë botës. Turqi, 2 shtator 2015 (REUTERS/NILUFER DEMIR/DHA)
Kalim kufiri
Një arush i vogël pellushi i lënë pas në një gardh me tela me gjemba, i sapongritur prej ushtrisë maqedonase në kufirin greko-maqedonas. Greqi, 28 nëntor 2015 (REUTERS/Yannis Behrakis)
Dashuria fiton gjithmonë
Shtëpia e Bardhë ndriçohet me ngjyrat e ylberit, pas vendimit historik të Gjykatës së Lartë që legalizoi martesat e homoseksualëve. 26 qershor 2015 (REUTERS/Gary Cameron)
Festivali Holi
Vejusha të veshura me rroba shumëngjyrëshe marin pjesë në festimet e Holit, organizuar nga organizata jofitimprurëse Sulabh International. Tradicionalisht në kulturën Hindu, vejushat priten që të heqin dorë nga kënaqësitë tokësore, kështu që ato nuk e festojnë Holin. Indi, 6 Mars 2015. (REUTERS/Adnan Abidi)
Stuhi rëre në Gaza
Një djalosh palestinez merr një sy gjumë brenda rrënojave të shtëpisë së familjes së tij, që dëshmitarët thanë se ishte shkatërruar nga bombardimet e izraelitëve gjatë luftës 50-ditore në vitin 2014. Gaza, 8 shtator 2015. (REUTERS/Suhaib Salem)
Udhëtimi i gjatë
Fëmijë imigrantë në hekurudhën pranë një kampi refugjatësh në Roszke. Hungari, 12 Shtator 2015. (REUTERS/Laszlo Balogh)
Kulla Eiffel ndez drita
Kulla Eiffel ndriçohet me ngjyrat, blu, e bardhë dhe e kuqe të flamurit francez, në shenjë përkujtimi për viktimat e sulmeve të Parisit. Francë, 16 nëntor 2015. (REUTERS/Charles Platiau). /(Burimi: CNN dhe Euronews) / Bota.al
