Sot gjykata e Krimeve të Rënda ka thirrur për të dëshmuar në gjyqin ndaj Emiljano Shullazit, 7dëshmitarë VIP mes tyre dhe ish-ministrin e Brendshëm Saimir Tahiri.
Dëshmitarët janë kërkuar nga prokurorët e çështjes Elisabeta Imeraj dhe Eneid Nakuçi dhe pritet të hedhin dritë në lidhje me kërcënimin ndaj akademikëve Mynyr Koni dhe Dhori Kule.
Sipas flet-thirrjeve të nisura nga gjykata, sot janë thirrur për dëshmi ish ministri Tahiri, akademikët Dhori Kule, Mynyr Koni, Klodeta Dibra, Shezai Rrokaj, Majlinda Keta si dhe kreu i Policisë së Shtetit Haki Çako.
Në prill 2016 ish kryeministri Berisha denoncoi në media se Mynyr Koni ishte kërcënuar me jetë për t’u tërhequr nga gara për Rektor në Universitetin e Tiranës, e pas kësaj akuze me kërkesë të Prokurorisë u arrestua Emiljano Shullazi.
