Programi “Në një javë” i cili e mbylli siparin e tij, shpalli dy fitues Hueyda el Said dhe gazetarin, Isli Islami. Por me të mbaruar spektakli kasti i vipave është larguar menjëherë nga Shqipëria.
Fituesja Hueyda El Said ndodhet në Dubai, duke shijuar ditët e ngrohta dhe plazhet fantastike. Hueyda është e njohur për udhëtimet e saj të shumta, madje nuk ngurron të marrë me vete edhe djalin e saj të vogël, Gabriel.
Ndërsa këngëtarja Marsela Çibukaj, ndodhet në Portugali dhe pikërisht në Lisbonë. Këtë gjë e morëm vesh në rrjetet sociale, pasi ka postuar disa fotografi me mikeshat e saj.
Personazhet e tjerë si Olta Gixhari, Soni Malaj, Landi Hysi, Gaz Paja, Isli Islami dhe Alban Nimani, i janë rikthyer angazhimeve profesionale dhe rutinës së përditshmërisë. E njëjta gjë duket se ka ndodhur edhe me moderatoren, Arbana Osmani e cila për një kohë të gjatë nuk do të shfaqet në ekran, derisa të ketë gati projektin e ardhshëm televiziv.
