Është gati 35 vjeç, ka jetuar rininë e hershme në Gjermani dhe tashmë po bën karrierë si kantautor në Shqipëri. Fjala është për artistin me origjinë nga Dibra, Nesti Duka (Stine), emri i të cilit para dy jav ësh u bë kryefjala e rrjeteve sociale, pas sherrit për pikët te “Kënga Magjike”, duke përfunduar në Komisariat.
Por pas dëshmisë që dha në Polici, ku e mohoi ta kishte goditur Flori Mumajesin, sipas pretendimit të këtij të fundit, Stine iu rikthye skenës së “Dance with me”, ku po garon për një tjetër kupë me partneren e e tij, Roza Lati. Në një nga xhirimet e fundit me Rozën, ai ishte në kërkim të hidrosanitareve për vilën e tij.
Kjo na bëri përshtypje, pasi miqtë e tij kujtonin se ai ende jetonte në një apartament pranë “21 Dhjetorit”, brenda të cilit kishte ndërtuar edhe studion muzikore, ku
krijon për veten dhe kolegët. Por jo, pasi brenda një kohe të shkurtër, Stine ka ndërtuar këtë vilë përrallore që shihni, në zonën “Misto Mame”, në periferi të Tiranës.
Vila e ndërtuar mbi një sipërfaqe gati 500 metra katrorë është e stilit aristokrat, dhe që dallon mes kompleksit të shtëpive private në atë zonë, për arkitekturën e veçantë dhe luksin e ndërtimit. Stine është kujdesur që të krijojë një ambient krejtësisht privat, duke e rrethuar bukur, ndërkohë që çdo cep të saj e ka pajisur me kamera sigurie. Nuk e dimë ekzaktësisht se sa mund t’i ketë kushtuar kjo ndërtesë e këndshme, e cila në hyrje ka një oborr të bollshëm, aty ku dhe Stine parkon makinat e tij.
Edhe pse në botë, artistët për fitimet që marrin nga muzika kanë luksin të kenë shumë shtëpi e vila, për artistët shqiptarë ky luks mbetet ende një ëndërr.
Ndër artistët e tjerë të komentuar për shtëpitë apo vilat e tyre të shtrenjta janë: Ermal Fejzullahu, Genta Ismajli, Sinan Hoxha, Anjeza Branka etj.(panoramaplus)
