Emiljano Vila ka dalë në një deklaratë shtypi, ku ka folur në lidhje me ndeshjen ndaj Skëndërbeut dhe ka folur edhe rreth Starovës dhe frymës që ai ka sjellë në ekipin e Partizanit, Ai e ka nisur me një analizë këtë deklaratë duke theksuar: “Eshtë një takim shumë i fortë pasi luajmë ndaj rivalit tonë kryesor , është ndeshja e radhës ku ne na kërkohet të japim maksimumin si skuadër për të arritur objektivin e këtij 90 minutëshi fitimin e 3 pikëve. Vijmë në këtë përballje pas 3 fitoresh radhazi ku sigurisht kanë ndikuar në moralin e skuadrës, por gjithsesi edhe kundërshtari gëzon një grup të mirë lojtarësh panvarësisht luhatjeve të rezultateve që ka patur në ndeshjet e fundit ndaj duhet të jemi të motivuar për këtë përballje. Me ardhjen e trainerit Starova gjërat kanë ndryshuar pozitivisht , e kam thënë edhe më përpara se Starova i trasmeton ekipit një forcë tjetër, i merr maksimumin lojtarëve dhe në çdo pozicion që traineri do të më caktoj do të jap maksimumin tim në fushë. Sigurisht goli që shënova në ndeshjen e sezonit të kaluar nuk është harruar ende pasi ishte një gol që rihapi kampionatin , të dielën do të luajmë edhe përballjen e parë të kampionatit me Skënderbeun , shpresoj ti shënoj përsëri nëse do të më jepet mundësia Mendoj se ndeshja e së Dielës nuk do të jetë vendimtare për titullin, pasi kampionati ka treguar se titulli mund të humbet me skuadrat të ashtuquajtura të vogla, ndërkohë që me rivalët ne kemi treguar forcën tonë të vërtetë, shpresoj që ekipi të japi maksimumin të dielën , ndërkohë që rezultatin t’ia lemë fushës”, u shpreh Vila
“Sigurisht që në këto 8 javë kemi pësuar vetëm 1 gol , dhe këtë e kemi arritur në grup si skuadër nga Ekuban e deri tek Hoxha, ne mbrohemi në grup dhe njëkohësisht sulmojmë në grup . Në luftën për titull janë 4 skuadra mendoj se kush do të jetë më konstante në rezultate do të shijoj në fund edhe trofeun. Normale nëse luanim në stadiumin “Selman Stërmasi” do të ishte një lehtësi edhe për tifozat tanë, pasi jo të gjithë e kanë mundësinë të udhëtojnë drejt Elbasanit, megjithatë mbeshtetja e tifozerisë nuk ka munguar asnjëherë edhe pse në këtë sezon luajmë të gjitha takimet në transfertë”, e mbyll deklaratën për shtyp, një prej lojtarëve kryesor të Partizanit, Emiljano Vila.
