Arjan Aliaj, gjyqtari i shumëpërfolur kohët e fundit për shkak të pezullimit nga detyra të Haki Çakos, do të hetohet për disa çështja që kanë të bëjnë me fshehjen e të të ardhurave, mos deklarim pasurie, evazion fiskal, pastrim parash dhe korrupsion.
Antikrimi ekonomik pranë Policisë së Shtetit ka nisur prej disa ditësh verifikimet paraprake ndaj Aliajt dhe verifikime të sipas policisë kanë ardhur nga denoncimi i disa qytetarëve.
Objekt kryesor i hetimit është një vilë 3-katëshe në pronësi të gjyqtarit të Gjykatës së Tiranës.
Fillimisht kjo pronë ishte në emër të vëllait të tij, pastaj kaloi në emër të motrës për të përfunduar në pronësi të bashkëshortes së Aliajt.
Nisur nga kontrata e shit-blerjes, e cila është deklaruar me çmim 1 milionë lekë si dhe faktit se motra e gjyqtarit, Etleva Galanxhi nuk ka deklaruar atësinë e vërtetë.
Ajo rezulton se është bashkëshortja e Gilbert Galanxhit, deri para pak kohësh shef i Kabinetit të Prokurorit të Përgjithshëm, Adriatik Llalla.
Gjyqtari Arjan Aliaj është akuzuar për afera korruptive nga ministri i Brendshëm, Saimir Tahiri pas vendimit të tij për pezullimin nga puna të Drejtorit të Përgjithshëm të Policisë së Shtetit, Haki Çako./Panorama
