Varrimi i gjeneralit iranian të vrarë, Kasem Soleimani, në vendlindjen e tij në Kerman është shoqëruar me viktima.
Raportohet se turma e pranishme në ceremoninë funerale ka qenë shumë e madhe dhe ka marrë përpara disa njerëz të cilët kanë humbur jetën.
Deri tani bëhet fjalë për të paktën 35 viktima dhe 48 të plagosur.
Në varrimin e Kasem Soleimanit kanë marrë pjesë miliona njerëz. Vrasja e tij ka ngjallur frikën e një konflikti midis SHBA dhe Iranit.
Soleimani konsiderohej gjerësisht si njeriu i dytë më i fuqishëm në Iran pas Liderit Suprem Khamenei. Shtetet e Bashkuara e panë atë si një terrorist dhe një kërcënim për trupat amerikane.
“Dëshmori Kasem Soleimani është më i fuqishëm … tani që ai ka vdekur”, tha para turmës gjenerali i lartë i Gardës Revolucionare, Hossein Salami.
Vajtuesit brohorisnin “vdekje për Amerikën” dhe “vdekje për Trump”, raportuan gazetarët e BBC dhe Reuters.
“Ai (Soleimani) u pa si një njeri i shkëlqyeshëm që ishte gati për t’i shërbyer popullit të tij … Haku i tij duhet marrë,” tha një student 18-vjeçar që ishte i pranishëm në varrim. /Opinion.al
