Personi që u gjet i vrarë mëngjesin e sotëm në aksin Elbasan-Metalurgji, është banues në lagjen “Çlirimi” dhe baba i tre vajzave.
Saimir Beqiri, 51 vjeç mendohet se është ekzekutuar për hakmarrje, ndërsa policia është rikthyer edhe një herë tek konflikti i vjetër, që ka shënuar disa viktima, mes familjeve Çapja dhe Sheme.
Policia ka bërë me dije se ai është një person me precedent penal, ndërkohë që ai njihej në Elbasan si biznesmen.
Mësohet se ai ishte pronar i një pike karburanti në qytet dhe merrej me tregti mallrash ushqimore.
Saimir Beqiri ishte i vëllai i Gentian Beqirit, i vrarë në vitin 2012 dhe i dyshuar si autor i vrasjes së Sokol Çapjas në vitin 2005.
Kjo ngjarje vjen 2 muaj pas masakrës së Elbasanit ku gjeti vdekjen Agron Çapja, Ardit Sinakoli dhe Eno Bedalli, ndërkohë që tre pjesëtarë të tjerë të familjes Çapja mbetën të plagosur.
