Është shënuar viktima e dytë nga zjarret në Shqipëri. Mësohet se viktima është identifikuar si Tatiana Haxhiaj 60 vjeçe dhe është bashkëshortja e Andrea Haxhiajt personit që humbi jetën pak ditë më parë po nga zjarret në vend. Andrea Haxhiaj, 64 vjeç humbi jetën tragjikisht më 3 gusht teksa po tentonte të fikte zjarrin e rënë pranë shtëpisë së tij në fshatin “Asim Zeneli” një javë më parë në Gjirokastë bashkë me bashkëshorten.
Sipas news 24, 60-vjeçarja kishte djegie 70% të trupit dhe nuk arriti t’u mbijetojë plagëve të marra.
Vdekja e 60-vjeçares ka shënuar viktimën e dytë në vend për shkak të zjarreve që prej disa javësh kanë përfshirë vendin./Opinion.al
