Ndërsa numri i të prekurve në të gjithë vendin ka mbërritur në 190, Greqia ka shënuar të shtunën viktimën e dytë nga koronavirusi. Mediat vendase bëjnë me dije se ai është një i moshuar 92-vjeçar, që ka patur komplikacione dhe ishte shtruar në spitalin “Bodosakeio”.
Vikima është nga qyteti Ptolemaida në veri të Greqisë dhe ishte shtruar në spital pasi kishte rezultuar pozitiv në testin e 11 Marsit. Gjithashtu edhe dy persona të afërm të tij, gjenden të shtruar në spital.
Të enjten një 66-vjeçar që vdiq në spitalin e Patras shënoi viktimën e parë në Greqi, e cila tashmë ka mbyllur qendrat tregtare, kinema, teatro dhe klubet e natës, për të parandaluar përhapjen e virusit./Opinion.al
