Takimi traditë me dyer të mbyllura në Pallatin e Brigadave i kryeministrit Edi Rama me socialistët do vijojë dhe të Shtunën, në të njëjtën orë.
Siç raporton gazetarja Klesiana Omeri, mazhoritarët janë në mbledhje prej 5 orësh, ku po diskutojnë për një sërë pikash, si më poshtë:
-Lista e kandidatëve për deputet në 12 qarqe (pjesë e së cilës mund të jenë edhe kryebashkiakë aktualë)
-Përgatitja për zgjedhjet e 11 Majit, programi i Partisë Socialiste, fushata elektorale…
-Çështja e integrimit (Që kreu i qeverisë Rama e ka cilësuar misionqë duhet vazhduar në mënyrë lineare me BE, prej kësaj force politike)
-Vota e diasporës
Nesër pritet të ketë bisedime me në fokus gratë, në kuadër të 8 Marsit.
Kujtojmë se mbledhja e fundit e të majtëve e këtij niveli u realizua më 1 Shtator 2024, në vilën qeveritare në Dajt. Mbledhje që zgjati plot 8 orë, ku u diskutua lidhur me objektivat e forcës qeverisëse dhe ku drejtorë, krerë institucionesh apo ministra raportuan mbi punën e tyre.
/tvklan.al
