Kryeministri Edi Rama ka bërë të ditur se vijon puna në kantierin e Pediatrisë së Tiranës për përfundimin e fazës së dytë të punimeve.
Në një postim në rrjetet social, Rama shkruan se aty shumë shpejt do të ofrohen kushte shumë më të mira dhe shërbim shumë më cilësor për pacientët e vegjël.
E në këtë mënyrë ai thekson se do të vijojë puna për modernizimin e infrastrukturës spitalore edhe në godina të tjera të QSUT-së.
“Vijon puna në kantierin e Pediatrisë së Tiranës për përfundimin e fazës së dytë të punimeve, për të ofruar shumë shpejt kushte shumë më të mira, dhe shërbim shëndetësor shumë më cilësor për të gjithë pacientët e vegjël
Vijojmë punën pa u ndalur për modernizimin e infrastrukturës spitalore edhe në godina të tjera të Qendrës Spitalore Universitare “Nënë Tereza”, në mënyrë që çdo qytetar të marrë shërbim mjekësor cilësor, me kushte optimale dhe standarde bashkëkohore”,-shkruan Rama në postimin e tij./Opinion.al
