Vijon ende numërimi i votave të diasporës, si dhe votave për kandidatët për deputetë në ato bashki ku nuk ka përfunduar akoma.
Nga rezultatet e deritanishme PS ka siguruar 83 mandate, ndërsa Partia Demokratike numëron 50 të tilla. Mandatet e tjera ndahen mes katër partive, ku forcë e tretë deri tani është Partia Socialdemokrate me 3 mandate.
Partia Mundësia ka deri tani 1 mandat. Po ashtu edhe Lëvizja Bashkë si dhe Nisma Shqipëria Bëhet deri tani e kanë nga 1 mandat të siguruar.
Sipas të dhënave paraprake të KQZ, më 11 Maj votuan 1.458.251 persona, ose 42.21%. Të drejtën për të votuar e patën mbi 3.7 milionë shqiptarë. Këto janë zgjedhjet e 11-ta në Shqipëri pas ardhjes së demokracisë.
