Në Los Angeles, protestat janë ndezur përsëri ndërsa demonstruesit kundër bastisjeve të emigracionit përballen me forcat e rendit për të tretën ditë me radhë.
Njësitë e Gardës Kombëtare të vendosura nga Presidenti Donald Trump përdorin gaz lotsjellës për të detyruar protestuesit të tërhiqen.
Edhe pse situata tani është më e qetë, sërish ka tensione. Ka pasur shpërthime të papritura në orët e fundit dhe më shumë vandalizëm të qëllimshëm sesa protesta paqësore, të paktën drejt fundit të ditës. Pati dhunë, pati sulme ndaj policisë dhe automjeteve të policisë në autostradën 101, e cila ka qenë e mbyllur herë pas here. Disa dëme mjaft shkatërruese u janë shkaktuar automjeteve të policisë, ndërsa njerëzit u përpoqën t’u vinin flakën. Policia përfundimisht ndërhyri për të shpërndarë turmat, raporton BBC.
Protestuesve të mbledhur në qendër të Los Angeles, u është thënë të largohen menjëherë nga policia. Ky urdhër është dhënë disa orë pasi oficerët shpërndanë demonstruesit që bllokuan një autostradë kryesore në qytet.
Trump mbron vendimin e tij për të dërguar Gardën Kombëtare, duke thënë se ata do të “sigurohen që të ketë rend dhe ligj”.
Guvernatori i Kalifornisë, Gavin Newsom, i kërkon Trumpit të anulojë vendosjen e trupave dhe ka kërcënuar të padisë administratën për atë që e quajti një akt “të paligjshëm”.
