Zjarri në landfillin e Elbasanit është vendosur nën kontroll, por vatra vijon të mbetet aktive.
Sipas Klan News, gjatë gjithë natës është punuar për fikjen e zjarrit, ku përveç zjarrëfikseve të Elbasanit, në ndihmë kanë shkuar edhe 20 efektivë të forcave të armatosura.
Sot në mëngjes nga fusha e depozitimit të mbetjeve pranë inceneratorit del vetëm tym, por megjithatë zjarri po mbahet nën kontroll pasi mund të shpërthejë nga çasti në çast.
Policia po punon për zbulimin e shkakut të shpërthimit të zjarrit pasi ky vend ruhet me roje 24 orë. Një nga pistat është zjarrvënia e qëllimshme.
Zjarri në fushën e mbetjeve pranë inceneratorit të Elbasanit nisi mbrëmjen e së shtunës.
