Bylisi nuk duron më: Presidenti i ekipit Besnik Kapllanaj ka ndaluar skuadrën të udhëtojë drejt Tiranës ku do të ndeshet nesër me Partizanin
në orën 19:00.Kapllanaj ishte i pranishëm edhe sot në media teksa u ankua për gjykimet karshi skuadrës së tij, dhe garës që sipas tij është
e paravendosur dhe është e kotë të marrësh pjesë e të shpenzosh.Sipas “Sport Ekspres” ekipi është nisur fillimisht drejt kryeqytetit, por
Kapllanaj ka vënë “veton” duke i kërkuar ekipit të kthehet mbrapsht.Në këtë mënyrë vihet në rrezik zhvillimi i ndeshjes Partizani – Bylisi, e pritet të shihet se si do të rrjedhin ngjarjet në kampin ballshiot.Braktisja e ndeshjes do të thoshte edhe rënie e Bylisit nga kategoria, pasi veç
humbjes së ndeshjes në tavolinë, minimalisht do t’i zbriteshin 3 pikë nga tabela e klasifikimit. / Sportal.al
