Një 39-vjeçar shqiptar është vënë në pranga gjatë pasdites të së premtes, në Casalguidi në Itali. pasi vidhte shtëpi i maskuar si postier.
Shtetasi Adnand Kertusha, emigrant ilegal në territorin kombëtar dhe me dosje të shumta policie pas tij, mes tyre edhe për krime kundër pronës, është arrestuar nga policia italiane.
Arrestimi ka ndodhur pas një vjedhje që ai ka kryer brenda një vile në rrugën Montalbano, ku është vënë në pranga 39-vjeçari dhe i është bllokuar makina false e Postës me të cilën ai lëvizte pa u vënë re.
“Shërbimet postare”, ky ishte mbishkrimi i ngjitur me shkronja blu në anët e automjetit të tij.
Sipas mediave vendase, ai vishej me uniformën e postierit dhe me një kapelë të verdhë, një veshje e krijuar për të mos ngjallur dyshime gjatë patrullimeve të tij në kërkim të objektivave.
Gjatë kontrollit fizik në makinë, policët gjetën sende të vjedhura, të cilët u konfirmuan nga pronari i një shtëpie
Nga hetimet e mëvonshme rezultoi se targat e automjetit me të cilin ai lëvzite, ishin të vjedhura një natë më parë.
Aktualisht 39-vjeçari ndodhet në paraburgim, teksa pret marrjen e masës së dënimit nga drejtësia italiane./Opinion.al
