Policia ka arrestuar dy marokenë të dyshuar për një sërë vjedhjesh të kryera në zonën e “Ali Demit” dhe te “Rruga e Barrikadave”.
Në kuadër të operacionit “Befasia” janë sekuestruar në cilësinë e provës materiale sendet e vjedhura dhe një sasi parash.
Marokenët e arrestuar janë Nouredin Boulan 23 vjeç dhe Hysein Albasari 30 vjeç, të dy banues në Tiranë. Në një nga rastet, ata i kanë vjedhur me dhunë sendet personale edhe një siriani me inicialet M. H. 30 vjeç.
Ata dyshohen si autorë të disa vjedhje telefonash dhe bizhuterish dhe gjatë kontrolleve iu gjetën një shumë parash, bizhuteri, ora dore, celularë dhe sende të tjera./Opinion.al
