Policia ka goditur një grup kriminal që vidhnin kasaforta në biznese të ndryshme në kryeqytet po dhe në disa qarqe të tjera.
Kështu në kuadër të operacionit “Poliklinika” u arrestuan në flagrancë: E. M., 33 vjeç, F. Sh. alias F. L., 37 vjeç dhe E. Ç. alias E. H., 38 vjeç, banues në Tiranë (F. L. dhe E. Ç., me precedent penal në fushën e vjedhjes dhe vjedhjes me armë).
Ata u kapën në orët e para të mëngjesit ndërsa vodhën një kasafortë me rreth 13 milionë lekë në ambientet e një poliklinike tek rruga e Kavajës.
Pas hetimeve rezultoi se 3 të arrestuarit janë autorët e grabitjes së kasafortave dhe në biznese të tjera, mes tyre dhe atë të klinikës mjekësore në Rrugën e Dibrës, ngjarje e ndodhur më 20 janar të vitit 2020.
Po ashtu, janë sekuestruar një automjet Mercedes Benz, me të cilin autorët qarkullonin për të kryer vjedhjet, 1 DVR, një shumë parash, 1 kasafortë dhe 4 telefona celular.
