Etapa e tretë e Xhiros së Belgjikës në çiklizëm ka qenë një tragjedi e vërtetë, madje ajo është pezulluar nga organizatorët. Një aksident i rëndë ka ndodhur 65 km pas startit, kur dy motorë që ndiqnin garën kanë humbur kontrollin dhe janë futur mes çiklistëve, duke aksidentuar 19 prej tyre. Gjithçka ndodhi në një dishezë, kur një motor u përplas me një tjetër që kishte ndaluar dhe më pas ato përfunduan në grupin e çiklistëve që ishte aty pranë.
Nga 19 çiklistë të përfshirë në aksident, 11 prej tyre përfunduan në spital me dëmtime të ndryshme. Në gjendjen më të rëndë është Stig Broeckx, që dyshohet se ka një frakturë në kafkë dhe vijon të jetë nën monitorimin e stafit mjekësor. Kjo nuk është hera e parë që në Belgjikë ndodhin të tilla aksidente me motorët që shoqërojnë çiklistët, duke shkaktuar incidente me pasoja. Madje këtë vit ka patur edhe dy raste me pasoja vdekjen nga aksidentet në çiklizëm.
