Dita e sotme ka nisur me tensione në Fakultetin e Ekonomikut mes policëve dhe studentëve. Në një videot e mëposhtme shihen konfrontime fizike mes studentëve dhe policisë.
Këta të fundit kërkojnë të largojnë me forcë studentët nga fakulteti. Në video dëgjohen studentët të cilët u kërkojnë policisë të mos shtyjnë, të mos gjuajnë por dhe t’u tregojnë ligjin, i cili u jep të drejtë të futen brenda fakultetit të tyre.
Kujtojmë se dhe në fakultetin e Drejtësisë policia ka ndërhyrë me dhunë për të shpërndarë studentet e ngujuar në ambientet e fakultetit të tyre.
Që prej ditës së djeshme protesta e studentëve ka marrë tjetër rrjedhë. Ata nuk janë duke u tubuar në rrugë, por protesta është zhvendosur brenda ambienteve të fakulteteve.
Pasi kanë qendruar gjatë gjithë ditës së djeshme, studentët kanë vendosur të rrinë në ngujuar edhe gjatë natës.Fillimisht policia private e më pas dhe Policia e Shtetit, kanë tentuar të pengojnë studentët të vazhdojnë rezistencën e tyre./Opinion.al
