Emisioni investigativ “Stop” ka ironizuar nismën e kryeministrit, Edi Rama për futjen e mësimit fetar në shkolla.
Rama ka hedhur idenë që në shkollat publike shqiptare, nxënësit të mësojnë mbi kulturën fetare.
Ky fakt sipas kreut te qeverisë nuk do të cenojë laicitetin e sistemit arsimor, por do të shërbejë si një armë e fortë, për të mos u bërë pre e propagandës së atyre që kryejnë krime në emër të Zotit.
Më tej, kreu i qeverise theksoi se kjo nismë do të nisë në shkolla urbane dhe rurale dhe se tekstet do të jenë të harmonizuara me institucionet ndërkombëtare.
Deklaratat Rama i bëri gjatë fjalës që mbajti në aktivitetin e organizuar nga Komuniteti Mysliman për profetin Muhamed.
Ndërsa, “Stop” i kujtoi kryeministrit, se shkollat shqiptare janë ende jashtë standardeve minimale për të kryer një proces arsimor normal.
Për më tepër ndiqni si më poshtë vijon videon e emisionit investigativ “Stop”, të transmetuar në TV Klan.
https://www.youtube.com/watch?v=SIyeWfPHT80
