Një video e shpërndarë në mediat lokale në Kosovë po bëhet virale. Bëhet fjalë për dy vajza të cilat janë filmuar nga kamera e sigurisë së një shtëpie, duke bërë disa veprime të çuditshme. Pronari i një shtëpie në Prizren ka publikuar pamjet duke besuar se veprimi i vajzave është magji.
Ato shihen teksa i afrohen një shtëpie dhe hedhin diçka tek hyrja e saj dhe tek dera. Pronari i kësaj i shtëpie në Prizren, nga kamerat e sigurisë ka vërejtur para disa netëve, lëvizjen e dy personave që duken të gjinisë femërore, të cilat bëjnë disa veprime të çuditshme para dyerve të shtëpisë së tij e cila gjendet afër QMF-së numër 2 dhe shtatores së dëshmorit, Pal Paluca.
Nga veprimi, dyshohet sikur këto femra aplikojnë ritual të magjisë, duke hedhur diçka në hyrje dhe derë të shtëpisë. Të gjithë komentuesit që kanë parë këtë video në mediat lokale të Prizrenit, pretendojnë se kjo është magji.
Pronarët nuk kanë vërejtur ndonjë gjë, e që me shumë gjasë, ajo që kanë hedhur këto dy femra, mund të ketë qenë ujë.
