TIRANE- Ky taksist kishte vendosur kamera në makinë. Gjithë skena e krimit, ku ai ka rënë pre e grabitjes nën kërcënimin e armës është regjistruar. Policia publikoi këto pamje duke kërkuar ndihmën e qytetarëve për të identifikuar autorin. Numri në dispozicion: 069 41 05 735. Policia thotë se informatori do shpërblehet 2 milionë lekë dhe do ti ruhet anonimati.
Njoftimi i plotë i policisë
Lidhur me ngjarjen e datës 9 nëntor 2015, në rrugën “Tre Dëshmorët” në Tiranë, shtetasi H. H, ka bërë kallëzim penal se një shtetas i ka kërkuar shërbimin taksi dhe para se të zbriste nga automjeti, nën kërcënimin e nje sendi si ajo e armës se zjarrit ka tentuar t’i vjedhë me dhunë lekët e xhiros ditore.
Më pas agresori është larguar në drejtim të paditur.
Policia e Tiranës kërkon ndihmën e qytetarëve për identifikimin e shtetasit , që shfaqet në videon e siguruar nga grupi hetimor.
Policia e Shtetit ka vënë në dispozicion 2 milion lekë (të vjetra) për çdo informacion që mund të ndihmojë në identifikimin dhe kapjen e autorit të ngjarjes.
Çdokush që ka informaciom mund të telefonojë në nr. 069 41 05 735
Policia e Tiranës garanton ruajtjen e anonimatit dhe ndjekje të shpejtë të çështjes, deri në zbardhjen e plotë të saj dhe vënien para përgjegjësisë së autorit.
