Një 26-vjeçar që ishte azilant në Francë është përplasur nga makina dhe ndodhet në gjendje të rëndë për jetën në Tuluz të Francës. Ai quhet Edison Kamberi dhe sipas informacioneve paraprake është përplasur nga një shtetase franceze e cila i jepte makinës në gjendje të dehur. I riu kishte 2 vjet që kishte emigruar në Francë dhe qëndronte në azil.
Mediat vendase nuk kanë raportuar ende asgjë në lidhje me ngjarjen e rëndë.
Tejet të prekur disa shqiptarë e kanë vizituar në spital dhe kanë dërguar videon në JOQ.
Qytetari që informoi JOQ, shkruan: “Ky është një shqiptar në Toulouse te Frances. Thone qe e ka perplas nje franceze e pire. Asnje nuk te sqaron se cfare ka ndodhur. Nqs ja heqin tubat ai vdes. Nuk dim ku te perplasemi, ku mund ti kerkojm te drejtat ne shqiptart qe jemi rrugëve. Ky quhet Edison Kamberi 26 vjec dhe esht nga Selita Tirane. Janë mësu këto këtu, ja heqin tubat shiptarve e s’te japin asnje lloj sqarimi. Ka shumë shqiptar qe po rrin tek spitali, nuk kërkojnë leke thjesht drejtësi.”
