Kryetari i Partisë Demokratike, Lulzim Basha ka zhvilluar ditën e sotme një takim me qytetarët e zonës së ish-Kinostudios në Tiranë.
Basha i ftoi qytetarët që t’i bashkohen protestës së opozitës për të rrëzuar qeverinë “Rama” si dhe të ndalojnë aferën korruptive, që sipas tij, po ndodh me rrugën Milot-Balldren.
Ndërkohë, kryedemokrati ka bërë batuta dhe me simpatizantët e PD në lidhje me “videoselfiet” që ai bën gjatë kohës që zhvillon takime me qytetarët.
Ai tha se; “Përmes lëvizjes nëpër Shqipëri kam pasur mundësinë dhe rastin jo vetëm të shoh me sytë e mi por shpresoj që jo vetëm përmes syve por dhe përmes videoselfiet, aq sa ia kam marrë dorën Facebook-ut.”
Pjesë nga fjala e Bashës.
Së pari dua t’ju falënderoj nga zemra për punën e jashtëzakonshme në këto muaj e javë përballje. Radhët e protestës popullore shtohen nga dita në ditë. Gjatë këtyre javëve kam qenë anembanë vendit për fat të keq jo kaq shumë në Tiranë.
Përmes lëvizjes nëpër Shqipëri kam pasur mundësinë dhe rastin jo vetëm të shoh me sytë e mi por shpresoj që jo vetëm përmes syve por dhe përmes videoselfiet, aq sa ia kam marrë dorën facebook-ut ju po e shikoni se si është atmosfera jo vetëm në Tiranë por anembanë vendit. Një atmosferë e ndezur shprese, shpresë e rigjetur tek shqiptarët. Kurajë për të qëndruar, për të luftuar në një betejë që për herë të parë duket se e ka të sigurt përfundimin, fitoren e popullit të bashkuar. Një betejë që vazhdon dhëmbë për dhëmbë./Opinion.al E.Xh.
