Klodi Lesi, 35 vjeçari shqiptar që vrau bashkëshorten greken dhe që vazhdon të jetë në arrati bashkë me djalin e tij të mitur, ka sjellë gazetarët grekë në shtëpinë e tij në Rubik.
Ata kanë realizuar një reportazh, ku nëna e Lesit i bën thirrje të birit të dorëzohet.
“U largua nga Shqipëria kur ishte 14 vjeç, ndenji një vit si emigrant në Greqi më pas u largua drejt Anglisë ku qëndroi 6 vjet dhe pamundësia për të jetuar atje bëri që ai të kthehej.”, thotë Pashja nëna e tij.
Ajo thotë më tej se: “nuk ka marrë asnjë informacion për Klodin dhe djalin tre vjeçar,-ndërsa flet për gazetarin e emisionit “Tatiana Live”
Në reportazhin e tij, gazetari ka filmuar hyrjen e qytetit të Rubikut, duke treguar se është vetëm një orë larg Tiranës dhe ka marrë rrugën pa rrugë me shkurre e ferra të fshatit ku jetoi Lesi dhe u takua me nënën e tij.
Gazetari kërkon nga e ëma e Klodit nëse ka ditur diçka lidhur me konfliktin që ai ka patur me bashkëshorten e tij por ajo e mohon këtë fakt.
“Unë e njoha gruan e tij sepse ai e prezantoi në shtëpi por nuk ndërhyra ti thoja nëse ishte e mirë apo ta pyesja si shkonte me të pasi ai ishte i zoti i vetes dhe kishte jetën e tij. Nuk di të më ketë folur për konflikte me të”, -shprehet nëna me lot në sy
Lidhur me arratinë e djalit të saj Znj.Pashe u shpreh në intervistë se, nuk dinte shumë gjëra; kishte pasur pak komunikim me të birin, hera e fundit kishin qënë Pashkët e vitit të kaluara, e dinte se ishte martuar me një greke, por nuk kishte ndërhyrë në vendimet e tij. Megjithatë, ajo, e prekur, i bëri thirrje të birit të dorëzohet sa më parë, sidomos për hatër të fëmijës.
Vrasja e 41-vjeçares greke nga bashkëshorti i saj shqiptar ka tronditur opinionin publik në Greqi. Ndërsa kërkimet për 35-vjeçarin shqiptar Klodi Lesi vazhdojnë edhe në kufi me Shqipërinë, mediat greke kanë zbardhur detaje nga krimi makabër.
Tërbimi i shqiptarit Klodi Lesi ishte aq i madh saqë kishte thyer edhe thikën me të cilën vrau gruan. Ai qëlloi 7 herë me thikë viktimën dhe goditja fatale ishte kur e goditi në kokë me forcë, aq sa thika u thye në kafkën e 41-vjeçares.
