Liam Hemsworth dhe Miley Cyrus zyrtarizuan dashurinë e tyre në fundin e muajit dhjetor, me një celebrim shumë privat, larg syrit të medias, me familjarët dhe miqtë e afërt. Për të parën herë pas celebrimit Liam Hemsworth theu heshtjen gjatë fjalimit të tij në mbrëmjen gala të “Annual G’Day USA” dhe i bëri një dedikim emocionues, Miley Cyrus.
“Faleminderit gruas time të bukur. Ti je një engjëll i ëmbël”, ishin fjalët e Liam.
Por më shumë se fjalët e tij, viral u bë reagimi epik i Cyrus të cilin mund ta shihni në videon e mëposhtme:
Liam dhe Miley janë ndër çiftet më të përfolura të showbizit amerikan . Ata u njohën në vitin 2009, gjatë xhirimeve të filmit “The last song”, një prej filmave romantikë më të suksesshëm, dhe më pas u ndanë për tre vjet për t’u ribashkuar në vitin 2016./E.M
