Banorë dhe biznese u mblodhën sot paradite tek Unaza e Re për të protestuar kundër vendimit të qeverisë për zgjerimin e rrugës dhe shembjen e një sërë objektesh. Protesta e sotme ishe në formë sensibilizmi që të dëgjohet zëri i tyre, pasi siç u shprehen për Opinion.al projekti ka nisur të zbatohet pa asnjë lloj konsultimi paraprak.
Banorët thanë për se përpara 3 ditësh u kanë shkuar punonjës të ARRSH (Autoriteti Rrugor) dhe iu kanë thënë se brenda 10 ditësh duhet të lironi banesat pasi do të nisen shembjet.
Të revoltuar ata shprehen se projekti ka ndryshuar duke bërë që përpos autostradës nga Pallati me Shigjeta tek Dogana, të ndërtohet edhe një rrugë dytësore paralele. Ata thanë se janë 270 objekte që janë njoftuar se do të shemben.
Kujtojmë se Unaza e Re është një rrugë e njohur tregtare ku prej 3 dekadash zhvillojnë veprimtarinë biznese në fushën e ndërtimit e të hidrosanitareve.
Gezim Sadikaj në një prononcim për media u shpreh i revoltuar ndaj Kryeministrit Rama, duke kaluar edhe ne kercenim ndaj tij. Ai tha se i ka dokumentet për objektin dhe ka paguar taksa e tatime në shtet prej disa vitesh.
Ai i drejtohet drejpërdrejt Kryeministrit Edi Rama të rishikohet projekti. Ndërsa një tjeter banor thotë se në godinën që do shembet jetojnë 3 kurore, ndaj kërkon dëmshperblim nga qeveria e bashkia. /Opinion.al
*Ne video deklaratat e banoreve qe preken nga shembjet ne Unazen e Re, Tirane.
*Foto nga protesta e sotme, cila shkaktoi perreth nje ore edhe kaos ne trafik, tek mbikalimi i Shkolles Teknologjike (Pallati me Shigjeta)
