Përgjatë gjithë mëngjesit të sotëm mediat kanë transmetuar detaje mbi organzimin e protestës së opozitës, që u shfaq live në disa kanale televizive.
Të shumëdiskutuar kanë qenë elementët simbolikë të zgjedhur për këtë protestë, që shkonin nga targa e Audit të famshëm të Tahirit, tek kurora e kanabisit apo portretet e Ramës dhe Tahirit me veshjen e të burgosurve.
Shumë e rëndësishme ka qenë në këtë protestë edhe pjesëmarrja, që nga liderët e opozitës u konsiderua e lartë, ndërkohë që deputeti Berisha në FB e tij, fliste për të paktën 500 mijë vetë.
Në pamjet e disponuara nga PD dhe të filmuara nga ajri, shihet më qartë ajo çka ndodh në bulevard gjatë zhvillimit të protestës.
