Një video që qarkullonte në rrjetet sociale, ngjalli reagime, pasi disa prindër u ankuan tek Berisha për një mësues pervers që u niste në celular pamje intime me motive seksuale nxënësve të tij. Pas denoncimit të Berishës, policia e Durrësit që ka në varësi edhe Fushë-Krujën ka marrë në pyetje mësuesin e matematikës në shkollën 9-vjeçare “Adem Gjeli”.
Mësuesi, Fatmir Dervina mësohet se ka deklarua në polici se videoja është personale dhe padashje e ka dërguar tek disa kontakte që kishte në celular, ku mes tyre mund të kene qenë edhe kolegë të shkollës apo nxënës.
“Videoja është dërguar padashje në disa kontakte që kisha në telefon”, mësohet të jetë shprehur mësuesi para prokurorëve të çështjes, i cili mohoi kategorikisht se ka pasur për qëllim të ngacmojë nxënësit. Policia po heton lidhur me rastin në fjalë si dhe për faktin se pse mësuesi kishte në përdorim 4 adresa në rrjetin social Facebook.
Lexo edhe:
