TIRANE- Policëve iu bie shpesh të ndeshen me drejtorë ose persona që shtiren si të tillë dhe në fakt thyejnë rregullat e qarkullimit dhe hezitojnë të paguajnë gjobën nën petkun e drejtorllikut. Në këtë video që publikon Ministria e Brendshme dhe nuk pranon të jap emrin shohim një person që thotë jam drejtori dhe bën me shenjë nga godina. Në godinën që shihet në pamje ndodhet drejtoria e Metereoligjisë dhe Fondi Shqiptar i Zhvillimit.
Shihni se si e shantazhon policin rrugor ky person që thotë disa herë: Jam drejtori!
Polici: Ju lutem futuni në mjet.
Polici: Kush e ka këtë? Ti e ke këtë? Duhet ta lëvizësh se nuk lejohet aty.
Qytetari: Jam avokati.
Polici: Po në rregull, nuk lejohet aty.
Qytetari: Po ta lëviz pak më para.
Polici: Tani do mbaroj gjobën këtu dhe nëse se ke hequr do vazhdoj edhe me këto me radhë.
Qytetari: S’kam nga dal.
Polici: Në rregull, ne do mbarojmë gjonën me atë, po se lëvize do marrësh një gjobë.
Polici: Ta kishe menduar para se të vinte ai, ta kishe menduar, jo tani që erdhëm ne, në rregull.
Qytetari: Më dhanë këto të institucionit leje këtu dhe e lashë.
Polici: Shko gjej mënyrën me zbrit ose merre në telefon se kush e ka këtë makinë.
Qytetari: O shef po mos e shkruaj gjobën!
Polici: U shkrujt ajo.
Qytetari: Për hajër mo burrë, mirë ja keni bë.
Qytetari: Unë jam drejtori, unë këtu e lë, këtu është trotuari i lirë.
Qytetari: Ju veni gjobë për qejfin tuaj.
Qytetari: Bëni si të doni, si të keni qejf. Keni qejf, shkruajeni.
Polici: Po s’lejohet aty.
Qytetari: Shkruajeni, bëni qëjf edhe ju.
Qytetari: Po ç’ja fusni kot or burrë, trotuari i lirë, çfarë keni më këtë makinën këtu?
Qytetari: Po ju duket në rregull, vazhdoni.
Polici: S’lejohet në trotuar.
Qytetari: Po ju duket në rregull vazhdoni.
Qytetari: Çfarë Komisariati ju merr juve, 2?
Policia: Jo, jemi nga Drejtoria.
Qytetari: Drejtoria.
Qytetari: Jo mor jo, ka diçka, e vërteta e madhe është se ti hajde gjobite çdo ditë, këtu e ke prap.
Qytetari: Unë jam drejtori këtu dhe e lë makinën për arsye se trotuari është i lirë, me atë s’ka punë ai.
Polici: Po në rregull, nëqoftëse unë do ta konstatoj prap herë tjetër, përsëri gjobë ke.
Qytetari: Po mirë më fal, më thuaj çfarë konstatimi është ky? Ma përshkruaj pas. Apo do të flas unë me policinë tani?
Polici: Ajo është e drejta jote, mund të bësh çfarë të duash, po aty s’lejohet.
Qytetari: Avash, kur ta bëj të drejtën time mos të gjejë gjë edhe ty.
Polici: S’ka problem përderisa kam marrë përsipër këtë punë.
Qytetari: E mirë në rregull, në rregull.
