Video/Kur romët akuzonin Suel Çelën se i ka kërcënuar për votat e Sejdinit. Basha në mesnatë në Elbasan

Emri i Suel Çelës nuk është përmendur për herë të parë në media më 18 shtator të këtij viti kur u përplas makina e zv/drejtorit të policisë së Elbasanit, Gjergji Oshafi. Në maj të 2015-ës, Lulzim Basha udhëtoi në mesnatë drejt Elbasanit pasi disa banorë, pjesëtarë të komunitetit rom ishin ankuar se Suel Cela, djali i pronarit të tregut agro-ushqimor Petrit Cela po i kërcënonte me armë për votat e Qazim Sejdinit.
Asokohe banori do të shprehej para Bashës dhe para kamerave televizive: “Ishte Sueli që më kërcënoi. Ishte bashkë me të vëllain, Taulantin dhe ishin të armatosur me kallashnikov”. Ai tregon më tej se kriminelët afrohen në këtë zonë vetëm kur ka zgjedhje për të terrorizuar banorët dhe për t’i kërcënuar ata që nuk votojnë PS-në. Në atë kohë kjo ngjarje u mohua nga Taulant Balla që ishte drejtues i fushatës për zgjedhjet lokale të Elbasanit. Ndërsa Lulzim Basha që para dy vitesh akuzoi Qazim Sejdinin se po i merr votat me banda. /Opinion.al