TIRANË- Dyshohen si vrasës me pagesë por nuk preferuan të mbroheshin privatisht. Njëri pas tjetrit 3 të arrestuarit ngjitën shkallët e Gjykatës së Durrësit. Nën masa të rrepta sigurie ata u paraqitën në gjyq ndërsa në sallë iu afruan avokatët e zgjedhur kryesisht nga gjykata.
Gazmend Dervshi, Bruno Shehu dhe Dritan Nikolli akuzohen se do të vrisnin një person nga Manza e Durrësit. Sipas hetimeve ata kishin bërë edhe një plan që pasi të ekzekutonin personin do ta digjnin makinën dhe do të largohesin me një mjet tjetër.
Vendimi i trupit gjykues i kryesuar nga Anita Mici mori pak kohë. Ata u lanë në arrest me burg. Prokurorja Alma Felaj kërkoi që seanca të bëhej me dyer të mbyllura. Ata akuzohen për vrasje te mbetur në tentativë dhe armë pa leje si pas policisë këta tre persona janë eksponentë me rrezikshmëri të lartë për shoqërinë me precedentë penalë. Ditën e arrestimit, policia tha se u parandalua një vrasje për prishjen e pazareve të drogës. /abcnews/
