U deshën vetëm pak sekonda që jeta e një 31vjeçareje të merrte një rrjedhë tragjike. Në muajin prill të 2015, Tizana Cantone nga Napoli, u dërgon 5 personave një seri videosh ku ajo shfaqej duke bërë seks me disa meshkuj që nuk i njihte.
Këto video të nisura në Whatsapp iu dërguan gjithashtu edhe të dashurit të saj, me të cilin ajo kishte një lidhje disa mujore por jo të qëndrueshme. Kaq mjaftoi që në vetëm pak kohë, videot të bëheshin virale dhe të qarkullonin në rrjetet sociale e më gjerë.
Të gjithë ata që panë videot menduan se Tizana ishte duke u argëtuar vërtetë dhe se e gjithë kjo ishte bërë me vetëdije, por në fakt ishte një keqkuptim. Ajo kishte qenë nën efektin e drogës gjatë gjithë aktit seksual.
Por shpërndarja e pamjeve në rrjet, si dhe përbuzja që mori nga të afërmit e saj dhe shoqëria, bënë që 31vjeçarja të mbyllej në vetvete, të mos përdorte më internet apo edhe të mos dilte nga shtëpia. Deri sa pak kohë më parë e gjetën të vdekur në banesën e saj.
Ajo kishte vrarë veten pasi nuk arriti ta përballojë të gjithë atë çfarë i ndodhi. Në një intervistë plot dhimbje, nëna e saj ka rrëfyer historinë e së bijës duke dashur të sensibilizojë të gjitha femrat, por edhe më shumë, të gjitha ata që bëjnë publike të tilla video pa e ditur se si janë xhiruar dhe nëse janë apo jo më dëshirë të vajzave, shkruan BBC.
