Futbollistët janë profesionistë dhe duhet të japin maksimumin aty ku luajnë. Disave u takon të ndërrojnë disa fanella klubesh, ndërsa me kombëtaren kanë vetëm një (me ndonjë përjashtim).
Kuptohet, në këtë rrugëtim, për secilin ka “stacione” mbresëlënëse, produktive, që mbeten në memorie, por puna e do që të dalësh kundër tyre, nëse gjendesh në një “llogore” tjetër.
Kjo vihet re sidomos në futboll, ku yje të këtij sporti kanë luajtur kundër së kaluarës së tyre, madje kanë shënuar gola, duke festuar pa u kursyer.
Kjo është në dorën e secilit, sepse ka që nuk festojnë, apo e bëjnë këtë pa shenja triumfi, ka të tjerë që nuk e frenojnë fare gëzimin.
Më poshtë po sjellim 6 raste gëzimi të futbollistëve, mes të cilëve është edhe Jurgen Klopp, i cili nuk u përmbajt në golin e shënuar ndaj Borussia Dortmundit para pak ditësh, në “Europa League”
1-I pari prej tyre, pavarësisht se është trajner, Jurgen Klopp, gjeti kohë për ta festuar golin që shënoi skuadra e tij aktuale, Liverpool, kundër ishskuadrës së tij të dashur, Borussia Dortmund.
2-Emmanuel Adebayor duke festuar një gol të realizuar ndaj Arsenalit, pa hezituar fare, duke dhënë një spektakël të tillë ndaj ishskuadrës.
3-Robin Van Persie, i cili shënoi një gol kundër Arsenalit, nuk i frenoi emocionet e momentit.
4-Zlatan Ibrahimovic, i cili donte shumë për t’i shënuar Barcelonës gjatë fazës së grupeve të Ligës së Kampionëve, e bëri këtë dhe shpërtheu në delir.
5-Mario Mandzukic, i cili pas disa rastesh, shënoi dhe festoi golin kundër Wolfsburgut, kur ishte pjesë e Bayern Munich.
6-HeungMin Son realizoi një “hattrick” ndaj së shkuarës së vet, Hamburgut, duke festuar në mënyra të ndryshme tri herë.
