Preng Gjikolaj duke drejtuar mjetin me targa AA904LH ka goditur 2 mjete, duke shkaktuar dëme materiale dhe është larguar nga vendngjarja.
Ai është konstatuar pak minuta më vonë duke drejtuar një mjet taksi me targa AA070T.
Punonjësi i Policisë rrugore që ka konstatuar shoferin e identifikuar si shkaktar të aksidentit të dyfishtë ka tentuar ta ndalojë dhe ta nxjerrë nga mjeti për të shmangur ndonjë ngjarje tjetër, por ka hasur në kundërshtimin e tij.
Shtetasi Gjikolaj është larguar me forcë me mjetin me targe AA 070 T dhe u ndalua nga shërbimet e Komisariatit nr 4 në Tiranë.
Pasi ju bë testi i alkoolit rezultoi se Gjikolaj kishte konsumuar 0,65 mg/l dhe u arrestua.
Pak më herët u publikua edhe një video teksa polici përpiqej ta nxirrte taksistin nga makina, por që fillimisht u raportua për dhunë.
